Ulitawo nag-videoke gipusil angol

CEBU, Philippines - Usa ka ulitawo nga naglingaw-lingaw sulod sa usa ka videokehan gipusil human bunali og botelya didto sa Sitio Sangi New Road, barangay Pajo dakbayan sa Lapulapu kagahapon sa kadlawon.

Ang biktima mao si Jimboy Trinidad, 20, ulitawo, nga taga sitio Sangi, samtang ang mipusli kaniya nailhan lang sa ngalang Pepe.

Si PO1 John Philip Silmaro sa Homicide section sa Lapulapu City Police Station mibutyag sa Banat News nga samtang si Trinidad nagpahayahay sulod sa videokehan kalit lamang kining giduol sa mga batan-on ug usa niini mibunal og botilya kaniya, ug ang usa maoy mipusil sa biktima.

Si Trinidad kinsa samaran sa iyang agtang ug duha ka samad pinusilan sa iyang dughan gidali paghatod ngadto sa Mactan Doctors Hospital aron mahulbot ang bala nga miungot sulod sa lawas niini. Samtang gipangita pa sa kapolisan ang mipusil sa biktima.(Bong Soriano) (BANAT NEWS)