Way polis ikadestino sa barangay sa Lapulapu

CEBU, Philippines - Walay ikadestinong pulis sa matag barangay sa dakbayan sa Lapulapu kay kuwang og pulis ang maong dakbayan.

 Kini ang giluwatang pamahayag ni Lapulapu City Police Office OIC Director P/Ssupt. Mariano Natu-el Jr. nga nahinabi sa Banat News.

 Matud pa ni Ssupt. Natu-el nga maayo ang plano nga gipadayag ni PRO 7 Regional Planning Officer Director P/Ssupt. Louie Oppus sa pagbutang og tulo ka pulis nga magpulipuli og duty matag walo ka oras sa matag barangay sa dakbayan sa Lapulapu alang sa pagmintinar sa kahapsay ug kalinaw uban sa mga sakop sa Brgy. Tanod.

 Apan gumikan sa kagamay ra sa regular nga pulis sa maong dakbayan   dili gyud kini mahimo karong panahona, matud pa ni Natu-el. (Bong Soriano)   (BANAT NEWS)