'Truck ban' ipatuman mabuntag sa Mandaue

CEBU, Philippines - Ang duha ka oras nga tuck ban sa mga delivery nga sakyanan nga moagi sa kadalanan sa dakbayan sa Mandaue maoy girekomendar sa traffic board sa maong dakbayan.

Kini gisuportahan usab sa mga negosyante atol sa public hearing nga gipahigayon sa session hall niadtong miaging adlaw .

Busa ilang gikauyonan ang duha ka takna nga 'truck ban' nga magsugod sa     alas 6:00 sa buntag ngadto sa alas 8:00 sa buntag, kay mao kini oras sa hilabihan kahuot sa trapiko sa bisan asang suok sa maong dakbayan.

Si Konsehal Emiliano Rosal nga maoy chairman sa committee on transportation ug Majority Floor Leader Victor Biano nga maoy nangulo sa public hearing nagkanayon nga wala nay truck ban sa hapon. (Romeo T. Limpangog)