Gwen milarga sa Guam

CEBU, Philippines - Migikan niadtong adlaw nga Miyerkules si Governor Gwendolyn Garcia paingon sa Guam aron pagbisita sa pipila ka mga opisyales ug mga negosyante sa maong dapit.

 Matud pa ni Garcia nga usa ka official trip ang iyang pagbisita sa Guam nga nagtinguha sa pag-umol og lateral agreement tali sa probinsiya sa Sugbu ug sa Guam.

 Pasado alas 6:00 sa milabay’ng gabii migikan ang gobernador kuyog ang mga opisyales sa Cebu Chambers of Commerce and Industry.

 Gipaabot nga motan-aw si Garcia sa mga proyekto sa maong dapit ug sa ubang mga umulong proyekto sama sa pasilidad sa mga militar didto nga kun posible bang masunod ug mapatuman dinhi sa probinsiya sa Sugbu.

Ang Central Command nga gihimutangan karon sa Camp Lapulapu diha sa barangay Apas iya sa lalawigan sa Sugbu ug gikatakdang papahawaon na ang militar sa maong luna aron magamit sa ubang proyekto.

 Buot sa gobernador nga mapalambo pa ang military facilities sa probinsiya ug dugang mga development sa tali sa duha ka nasud,

 Gipahibawo usab sa gobernadora nga ang duha ka adlaw nga pagbisita niya sa Guam inigsuong tigum tali sa Cebu, Guam ug ubang nasud sa Asia nga pulos naglantaw sa pagpalambo sa tagsa-tagsa nila ka mga dapit pinaagi sa mga patigayon ug uban pang industriya. - Chester Abadilla (BANAT NEWS)