CEBU, Philippines - Naglutaw sa dagat nga wala nay kinabuhi ang usa ka mananagat diha sa barangay Bawo lungsod sa Sogod niadtong Lunes sa alas 8:00 sa gabii. Giila ang patay mao si Romeo Loyola, 57, taga barangay San Jose lungsod sa Catmon. Matud pa ni SPO3 Tito Baladhay sa Sogod police dihang nahinabi sa Banat News tulo ka mangingisda maoy nakakita kaniya ug ilaha kining gitabang ug gidala sa baybayon ug gidala sa Juan Dosado Memorial Hospital apan gideklarar nga patay na. Gituohang nalumos ang maong mananagat apan gipangita pa karon ang sakayan niini. - Darrel Carumba (BANAT NEWS)