CEBU, Philippines – Miabot na karon sa 85 ka mga tawo dinhi sa siyudad sa Sugbu ang nataptan og sakit nga Human Immunodeficiency Virus-Acquired Immunodeficiency Syndrome (HIV-AIDS).
Kini maoy gibutyag ni Doctor Ilya Tac-an, ang HIV-AIDS coordinator sa City Health Department sukad gisugdan ang ilang monitoring niadtong tuig 1989.
Matud pa ni Tac-an nga ang labing awahi nga biktima sa nahisgutang sakit mao ang usa ka 21 anyos nga babaye nga nasutang positibo niadtong miaging buwan.
Sa kinatibuk-an, duna nay 3,654 ka kaso sa HIV dinhi sa nasod sukad niadtong 1984 diin 806 niini ang nahingpit nang AIDS ug 317 ang namatay. –BANAT NEWS