CEBU, Philippines - Gideklarar sa kagamhanan sa dakbayan sa Talisay nga usa ka Special Non-Working Holiday sa siyudad karong Marso 26, 2009 tungod sa kasaulogan sa Landing Anniversary.
Si Mayor Socrates Fernandez miluwat sa Memorandum Order No. 2009-0046 kagahapon nga nag-awhag sa mga kawani sa kagamhanan, mga supervisor ug principal sa mga pampubliko ug pribadong tunghaan, ug pribadong mga establisamento nga motuman sa Akta Republika Numero 7280.
Ang maong balaod nagdeklarar sa Marso 26 sa matag tuig nga usa ka Special Non-Working Holiday.
Sa maong adlaw walay klase ang tanang eskuylahan ug walay trabaho ang mga establisamento sa siyudad. - Brenda D. Batuto (BANAT NEWS)