CEBU, Philippines - Gikonpirmar sa heneral sa Central Command Major General Armando Cunanan nga wala gyud nila dawata ang lider sa New Peoples Army (NPA) sa Central Visayas nga si Ramon Patriarca sa dihang gi-turn over sa Bureau of Jail Management and Penology gikan sa dakbayan sa Danao niadtong miaging adlaw human gimando sa korte ang pagbalhin niini.
Matud pa ni Cunanan nga iyang gibalibaran ang hepe sa kapolisan sa lalawigan sa Sugbu labot sa maong request sa dihang gidala na unta si Patriarca niadtong Miyerkules sa buntag kini tungod kay wala pa masugdi sa pag-renovate ang selda nga butangan sa maong dinakpan.
Gipasabot niini nga ang detention cell nga butangan kang Patriarca wala pa masugdi sa pagtukod sa kagamhanan sa probinsya sa Sugbu human usab duna silay kasabutan niini.
Giklaro niini nga ang stockade sa CentCom walay kapasidad alang niadtong mga high risk prisoners sama kang Patriarca tungod kay ang mga selda niini alang lang niadtong mga sundalo nga adunay atubangon nga kalapasan sa regulasyon sa kampo. – BANAT NEWS