Mga motor sa legacy ipa-hold

CEBU, Philippines - Gawas sa mga balay ug ubang kabtangan ni Celso delos Angeles nga gi-hold sa kagamhanan samtang nagpadayon pa ang pakisusi sa iyang Legacy Group of Companies, aduna kini importasyon sa mga motorsiklo sa Bureau of Customs – Port of Cebu.

Nahibaw-an kini sa dihang ang Securities and Exchange Commission (SEC) en banc, pinaagi sa general counsel niini nga si Vernette Umali-Paco, misulat ngadto kang BOC-Cebu Collector Ricardo Belmonte aron ipa-hold ang mga kargamentong motorsiklo nga naka-consign sa Legacy Motors, Inc.

Ang Legacy Motors Inc. nalakip sa 49 ka mga kompaniya nga gipanag-iya ni delos Angeles, mayor sa Sto. Domingo, Albay ug nanag-iya sa Legacy Group of Companies nga gigukod sa gobyerno.

Si Umali-Paco mihangyo kang Belmonte sa pag-hold usab sa mga umaabot pa nga kargamento sa Legacy.

“May we request you to issue a hold order not to allow the release of the shipment of motorcycles or any future shipments consigned to Legacy Motors, Inc,” ang sulat ni Umali-Paco nagkanayon.

Gawas sa Legacy Motors, Inc. gipahibalo usab ang BOC-Cebu sa ubang mga sakop sa Legacy Group of Companies nga ipa-ubos sa customs watch list nga mao ang Legacy Consolidated Assets Holdings, Inc.; Legacy Card Inc.; Legacy Emergent Asset Management, Inc.; Onecard Company, Inc.; Galaxy Realty and Holdings, Inc.; Banco Rural de Bisayas Inc.; Philippine Countryside Rural Bank, Inc.; Pilipino Rural Bank, Inc.; Rural Bank of Kananga, Inc.; San Pablo City Development Bank; Rural Bank of Parañaque; Pilipino Rural Bank, Inc.; Masbate Rural Bank; Rural Bank of Calatagan,Inc.; Rural Bank of San Jose; Rural Bank of Carmen; Nation Bank; Rural Bank of Bais; Rural Bank of DARBCI, Inc.; Rural Bank of Polagui; Scholarship Plan, Philippines; Legacy Consolidated Plans, Inc.; All Asia Plans, Inc.; One Realty Corporation; Shining Armour Property, Inc.; Conventional Realty Corp.; RL Roa Realty and Development Corp.; Purcel Development Corporation; Edifice Realty and Development Corp.; C2MPV Realty Corp.; ug Calayucay Realty Corp.

Giapil usab ang Legacy mutual funds, investment, housing ug lending companies sama sa Fusion Capital Corporation; Legacy GS Fund, Inc.; Legacy HY Fund, Inc.; Legacy TD Fund,Inc.; Resource Providers and Manpower Services, Inc.; CGA Holdings, Inc.; Purcel Trading Corporation; Purcel Manufacturing Corporation; United Farmers Sugar Corporation; Multi-Media Advertising, Inc.; Computer Technologies Systems, Inc.; White Water Leisure Corp.; Bagong Sinag Publications Inc.; Legacy Graphics and Design, Inc.; Valiant Security Agency ug BA Security Agency Corporation.

Si Belmonte sa iyang bahin mipa-alerto kang Deputy Collector for Assessment Maximo Reyes, Entry Processing Unit, Customs Police ug Customs Intelligence and Investigation Service.

Ang kamanduan sa SEC nagsumikad sa cease and desist order batok sa Legacy Consolidated Plans, Inc.; Legacy Card, Inc’; Galaxy Realty and Holdings, Inc.; Shining Armour Property, Inc.; One Realty Corporation ug One Card Company, Inc. niadtong Pebrero 26, 2009 aron mapreserbar ang mga kabtangan niini alang sa mga plan holders ug investors sa naniradong mga kompaniya ni delos Angeles. – BANAT NEWS