Villar nagpasalamat sa taga Cebu

CEBU, Philippines - Mapasalamaton si Senador Manuel "Manny" Villar sa katawhan sa Visayas human kini manguna sa uwahing survey nga gihimo sa Pulse Asia.

Base sa maong survey migawas si Villar nga nag-una sa siyam niya ka mga posibleng kaatbang sa pagka presidente sa 2010 nga piniliay.

Gumikan niini nalipay kaayo si Villar sa mga katawhan sa Visayas ug dinhi sa Sugbu.

Si Villar mibisita sa Sugbu sa milabay'ng adlaw tungod kay dinhi buhata ang pagpapanumpa niya sa mga sakop sa Nationalista Party nga taga Bohol. – BANAT NEWS