Hepe sa Talisay dili pailisan

CEBU, Philippines - Gilauman sa tsirman sa komitiba sa kahapsay ug kalinaw nga si Konsehal Arturo Bas nga mosumiter ngadto sa Cebu Provincial Police Office (CPPO) si Mayor Socrates Fernandez sa ngalan ni Supt. Henry Binas nga mahimong permamenteng hepe sa kapolisan sa siyudad.

Si Bas sa pakighinabi niini kagahapon sa Banat News mibutyag nga natagbaw siya sa performance ni Binas sa pagpakunhod sa kriminalidad sa siyudad ilabi na sa mga insidente sa tulis.

Usa sa mga kalihokan nga nagpakunhod sa kriminalidad sa siyudad mao ang kanunay'ng pagpahigayon og checkpoint inabagan sa force multipliers nga gilangkuban sa mga tanod ug BINs.

Si Bas ang nakadayeg sa pagkaepektibo sa mga polis karon sukad sa pagpuli ni Biñas isip hepe sa kapolisan sa dakbayan.

Si Binas ang milingkod sa pwesto isip puli sa kanhi hepe nga si Supt. Romeo Perigo niadtong buwan sa Nobiyembre sa milabay'ng tuig.

Si Bas midugang nga niadtong milabay'ng duha ka semana nagkaestorya sila sa mayor ug nagkauyon nga himuong permamenteng hepe sa kapolisan sa siyudad si Biñas. (BANAT NEWS)