Panglawas sa Mayor giampo ni Vidal
CEBU, Philippines - Si Cebu Archbishop Ricardo Cardinal Vidal nangaliya nga mabalik sa normal ang kahimsog sa panglawas ni Mayor Tomas Osmeña ug mipadayag nga kinahanglang mokalma ang mayor sa mga gimbuhaton niini.
Atol sa interview sa mga tigbalita kang Vidal sa wala pa maabot si Presidente Gloria Macapagal Arroyo kagahapon diha sa Caritas-Cebu miingon nga si Osmeña iyang giapil kanunay sa iyang pag-ampo.
Ang mayor gikatahong duha ka semana sa iyang recovery period human gipaubos sa seven rounds sa chemotheraphy didto sa Houston, Texas sa iyang urinary bladder cancer.
“I pray for him, I do hope he will not always be excited and he will really take time to rest,” matud pa sa Cardinal.
Lima ka oras gikan sa pag-abot sa mayor diha sa tugpahanan sa Mactan mi-report na kini dayon sa city hall aron motrabaho isip mayor sa dakbayan.
Sa miaging adlaw si Osmeña niadto sa Manila kay nitambong kini og meeting sa Department of Environment and Natural Resources (DENR) alang sa South Road Property ug uban pang gituki sa maong tigom kinsa nakigpanihapon ang mayor sa mga kadagkuan sa Filinvest Land Inc. (FLI) ug sa pipila ka dagkong negosyante nga nagplanong mokuha og luna sa SRP.
Matud ni Cebu City Administrator Francisco Fernandez sa sayo pa, nagkanayon nga fully booked gyud ang schedule sa mayor hangtud nga kini mobalik na sa United States karung Marso 26.
Nitataw si Vidal nagplano siyang mobisita sa mayor pag-abot niini apan gumikan kay hinay pa ang lawas sa mayor iyaha una kining gihiklin, miangkon ang cardinal nga siya mismo masakiton usab apan kun itandi sa nangaging bulan arang-arang ang iyang panglawas karon. (Rey Pasaporte gikan sa The Freeman) (BANAT NEWS)
- Latest
- Trending
