Misuway'g rape 'sikop
CEBU, Philippines – Arestado ang usa ka 30-anyos nga construction worker niadtong milabay'ng gabii human kini pasanginling misuway og lugos sa usa ka 14-anyos nga tinun-an sa high school diha sa sitio Pailob, Sambag Uno, ning dakbayan.
Giila ang suspek mao si Denver Loquiano, 30, temporaryong nagpuyo sa St. Michael Village sa barangay Banilad wala makaugpo sa mirespondeng mga barangay tanod sa Sambag 1 ug Mobile Patrol Group sa Cebu City Police Office.
Si Loquiano positibong giila sa inahan sa biktima nga maoy kalit misulod sa kasilyas niadtong Domingo sa gabii ug misampong sa baba sa iyang anak ug mibitad niini pasulod sa kasilyas.
Ang inahan pagkakita sa gibuhat sa suspek daling midasmag ngadto sa sulod hinungdan nga nahadlok ang suspek ug milayat sa paril diin mahimutang ang construction site nga gitrabahoan sa suspek.
Matud pa sa inahan ang suspetsado naghubo na niadtong tungura pagsulod sa ilang kasilyas.
Ang suspetsado dihang kuhaan sa iyang habig kabahin sa pasangil wala mokomento niini samtang gitanggong diha sa Fuente Osmeña Police Station samtang gihikay na sa Women’s Desk ang kaso batok kaniya. –BANAT NEWS
- Latest
- Trending