Simple nga Graduation gisaway
CEBU, Philippines - Gisaway ni Cebu City Hall Education Consultant Joy Augustus Young ang gipagawas nga kamanduan sa Department of Education (DepEd) alang sa pagpahigayon og simpleng graduation rites sa mga tinun-an.
Gipasabot sa education consultant nga mahinungdanon ang graduation sa usa ka tinun-an ug kinahanglan nga kini himuong makahuluganon.
Gusto ni Young nga i-require sa DepEd ang pagpasul-ob og toga sa mga graduating students nga ikapasigarbo sa mga tinun-an nga mogradwar.
“Supposed to be ang graduation imo gud nang handumanan, unsa mang klase sa graduation na nga mahimo ra nga dili musul-ob og toga,” sumala ni Young.
“They (DepEd) should be giving limitations anang simplicity sa graduation, aron ang bata nga mo-graduate mamahimong proud pud ba,” dugang pamahayag ni Young.
Base sa DepEd Order No. 15 series 2009 gidid-an ang mga publikong tunghaan pagkolekta og bisan unsang amutan alang sa graduation rites.
Wala usab dasiga sa DepEd ang mga graduating students sa mga public schools pagsul-ob og special attire sa ilang pagpaso sa graduation aron di madak-an sa gastos ang mga ginikanan taliwa sa nasinati karong global financial crisis.
Apan matud ni Young nga sobra ra ang gihimong paghigpit sa DepEd tungod kay giingong lahi ang graduation itandi sa enrollment. - Elly Bolonos (BANAT NEWS)
- Latest
- Trending
