Fetus sud sa plastic nakit-an

CEBU, Philippines - Wala pa mailhi sa kapulisna sa dakbayan sa Sugbu kun si kinsa ang way puangod nga inahang milabay sa gibanabanang pito ngadto sa walo ka bulang puyang lalaki kagahapon sa alas 8:00 sa buntag diha sa V. Rama Ave. eskina sa dalan Maria Theresa Village II barangay Guadalupe.

Si SPO1 Jay Yballe chief investigator sa Homicide Section sa Cebu City Police Office nagkanayon nga usa ka Nelson Paraiso 32, taga dakbayan sa Toledo maoy nakaplag sa maong puya diha.

Gikatahong si Paraiso padulong una kini sa usa ka tindahan pipila ka metros ang gilay-on sa iyang gitrabahoan dihang nabantayan niini ang usa ka plastic shopping bag sa daplin sa dalan.

Sa iyang kakuryoso, ihaya kining gihiling ug nakurat nalang siya dihang nakita nga puya ang sulod niini nga aduna pay inunlan.

Nunot niini mitawag gilayon siya sa kapulisan labot sa iyang nakita ug ang maong puya gipahiluna na karon sa usa mga punerarya ning dakbayan saa Sugbu. (Guam Logroño)    (BANAT NEWS)