CEBU – Ang usa ka edipisyo alang sa Special Weapon and Tactics (SWAT) sa dakbayan sa Talisay gikatakdang ipatrabaho na matud sa hepe sa kapolisan sa dakbayan, Superintendent Henry Binas.
Si Binas sa pakighinabi sa Banat News mibutyag nga ang duha ka andanang SWAT building may gahin nga P1 milyon gikan sa Countryside Development Fund (CDF) ni Kongresista Eduardo Gullas.
Ang maong edipisyo sa SWAT anha itarok sa kilid sa police station sa barangay Poblacion sa luna nga kapin 200 metro kwadrados ang gidak-on.
Matud pa ni Binas nga karong may edipisyo na ang SWAT, magkinahanglan sila og 20 ka mga bag-ong miyembro niini nga ipaubos sa training alang sa maong puwersa. (Brenda D. Batuto) (BANAT NEWS)