'Drug user' giabswelto

CEBU – Human sa kapin upat ka tuig nga pagkabilanggo samtang nagpaabot nga ma-hearing ang kasong paghupot og illegal nga drugas hingpit nang nakagawas sa Cebu City Jail human giabswelto sa korte.

Giabswelto ni RTC-7 executive Judge Mienrado Paredes si Andriano Las Marias, hingkod ang panuigon ug taga siyudad sa Sugbu.

Si Judge Paredes nagkanayon diha sa iyang desisyon nga napakyas ang prosecution sa pagprobar nga anaa sa posesyon ug gipanag-iya sa akusado ang nakuhang drug paraphernalia sa ronda sa kapolisan ngadto sa balay sa akusado niadtong tuig 2005.

Wala usab makatumbok ang mga testigos niini nga polis nga tigamitan gyud og ilegal nga drugas ang akusado hinungdan nga walay igong basehanan aron bilangguon si Las Marias.

Human nabasa ang desisyon nga nag-absuwelto sa akusado, ang huwes nimando dayon sa mga jail officer sa pag-release ni Las Marias. (Chester Abadilla) (BANAT NEWS)