Lola gitulis

Cebu - Nakuhaan sa iyang P3,000 ang usa ka lola dihang gitulis kini sa usa ka armadongtawo didto sa barangay Homgaw, Argao niadtong Lunes sa gabii.

Ang biktima nailhan nga si Sonia Alcarez, 72, usa ka tiguwang dalaga nga taga Homgaw.

Nasayran sa Banat News nga ang biktima nagpaingon na nga mopauli sa iyang balay dihang giatangan kini sa nagbinugtong nga tulisan.

Midumili unta sa paghatag sa iyang handbag ang biktima apan gitukmod kini sa tulisan hinungdan nga nalintuwad kini sa dalan ug didto nailog ang iyang bag nga may P3,000 ug ID sa SSS ug usa ka credit card.

Wala pa hiilhi sa kapolisan ang tulisan. - Darrel Carumba (BANAT NEWS)