"Buy Pinoy" campaign suportado

CEBU - Nanawagan si Provincial Board member Juan Bolo ngadto sa mga Sugbuanon, mga government agencies ug mga kompanya sa Sugbu nga unahon ang pagpalit sa Philippine Made Products niining panahon sa krisis.

Sa iyang resolusyon, si Bolo nagkanayon nga ang Federation of the Philippine Industries kon FPI mihatag og proposal ngadto sa gobiyerno nga iapil ang "Buy Pinoy" campaign sa stimulus plan sa kagamhanan.

Si Bolo nagkanayon nga maayo ang baruganan sa FPI pinaagi sa ilang presidente nga si Jesus Arranza kay nagtinguha man kini sa pagpakig-alayon ang gobiyerno ngadto sa mga private sectors.

Plano sa FPI nga molusad og massive campaign nga mag-aghat sa publiko ug private sector sa pag-patronized sa Filipino products sa dili pa mopalit og mga imported nga produkto.

Matud pa ni Bolo nga tungod unya niini, modako usab ang operation sa local manufacturers ug may kahigayunan pa nga mo-hire og dugang mga trabahante alang sa pagpalapad sa kapasidad sa pag-expand sa negosyante.

Dugang pa ni Bolo nga angayan lamang nga patalinghugan ang maong lakang aron makatabang sa gatusan ka mga workers nga natangtangan na og trabaho. (Chester Abadilla)   (BANAT NEWS)