CEBU - Bisan buhatan sa gobiyerno daw naapektahan na sa krisis sa kalibutan karon kini human mopahibalo ang National Food Authority kon NFA nga kamanduan gikan sa Malacañang nga kinahanglang manaktak og mga kawani ang maong buhatan.
Sumala pa NFA spokesperson Edgar Diez nga ilang nadawat niadtong nakalabay nga bulan sa Executive Order EO 366 nga nagtanyag og early retirement alang sa karaang mga kawani sa gobiyerno apan dili na kini hulipan pa hangtud nga may laing kamanduan.
Apan ang pagpanangtang og trabaho sa mga empleyado sa NFA wala makapabalaka sa mga empleyado nga mapugos sa pagkuha sa early retirement sa pangidaron 55 ug sa mga kawani nga nakaserbisyo na og kapin sa 20 ka tuig.
Matud pa ni Edgar Diez nga ubay-ubay sa ilang mga kaubang mga kawani ang nalipay hinuon inay maguol sa EO 366.
Gani daghan ang mipakita og interest nga mo-avail sa early retirement plan nga gitanyag sa pangulo aron kaminusan ang mga kawani sa gobiyerno. Ning paagiha makadaginot ang kagamhanan sa gastuhon sa mga sweldo sa maapektahang mga kawani.
Kini tungod kay gawas nga makawat sila og retirement fee nga mokabat og usa ka bulan nga suhulan matag tuig sa ilang pagserbisyo, may kahigayunan pa kining makapangaplay og balik sa laing government office. (Chester Abadilla). (BANAT NEWS)