Cebu - Mokabat sa P200 mil ang gibiling danyos sa sunog human maugdaw sa hingpit ang Industrial Building sulod sa Punta Princesa Elementary School mga alas 4:12 pasado sa hapon kagahapon.
Si Supt. Ismael Codilla ang Cebu City Fire Marshall mipaubos niini sa 1st alarm ug nakontrolar sulod lang sa singko minutos human madawat ang alarma.
Matud pa niini nga faulty electrical wirings maoy gitumbok sa ka bomberohan nga hinungdan niini base usab sa pamahayag sa mga nakasaksi. Gikatahong nakadungog sila og usa ka sipang buto sulod sa maong edipisyo dayon miulbo ang kalayo.
Hinuon matud pa ni Codilla nga walay naangol atol sa maong sunog gumikan kay gibuhian na ang tanang mga tinun-an sa maong tunghaan samtang wala na usay klaseng gipahigayon sa maong practical arts nga subject sulod sa maong building.
Giangkon niini nga naglisod gyud sa pagsulod ang kabomberuhan gumikan sa kalisod og dalan sa maong area ug gikinahanglan pang ilang sumpay-sumpayon ang mga hose sa tubig aron maabot sa dapit.
Dunay mga report nga wala masunod ang fire drill sa maong tunghaan tungod kay nagkaguliyang ang mga tinun-an paggawas, apan ang principal nga si Rizalinda Cairo nagkanayon nga dyutay nalang ang mga tinun-an kay namauli na ang kinabag-an niadtong tungura. - GPL (BANAT NEWS)