Mag-uuma naghikog

Cebu - Usa ka 46 anyos nga mag-uuma ang naghikog patay sa punoan sa kahoy nga Malayba didto sa Sitio Binatak, Barangay Cansalonoy, lungsod sa Ronda niadtong miaging gabii.

Ang biktima giila nga si Jose Sorenio, 46, nga taga Binatak. Si Jonas Tagyamon, umagad sa naghikog maoy nakakita sa lawas niini nga nagbitay na sa sanga sa Malayba kansang liog gihiktan sa nylon nga pisi ug gigaid sa sanga sa kahoy ang pikas tumoy sa pisi.

Wala hisayri sa tagtungod ang hinungdan sa paghikog niini samtang ang kapolisan walay nakitang foul play sa kamatayon sa maong biktima. - Rica Calinawan