Ruiz misusi sa iyang proyekto

Cebu - Upat ka mga proyekto nga nagkantidad og minilyon ka pesos ni Congresswoman Nerrisa Soon Ruiz sa ika-unom nga distrito , maoy iyang gisusi didto sa Brgy. Canduman ug sa Brgy. Jagobiao dakbayan sa Mandaue kagahapon sa buntag.

 Ang maong mga proyekto naglakip sa nagpadayong construction sa skywalk sa Brgy. Jagobiao nga mikantidad og P4.2 milyones , ang bag-o lang natapos nga skywalk sa crossing sa Highway ug Brgy. Canduman nga mikantidad og P4 milyones.

 P 5 milyones nga widening sa H. Abellana St, sa Canduman, ug ang P2.3 milyones nga sementadong dalan sa H. Abellana St. padung sa Raja Town Homes nga padayon pang gitrabaho hangtod karon.

 Matud ni Ruiz nga ang problema niya karon mao ang dalan sa Canduman kay may mga molupyo pa sa maong dapit nga nagdumili sa pagsanong sa ilang hangyo nga butangan og drainage system ang ilang yuta. - Bong Soriano (BANAT NEWS)