Commander sa Central Command mi-retiro

Cebu - Ang miretirong pangulo sa Central Command Lt. Gen. Pedro Ike Inserto mapasigarbuhon sa iyang mga kalampusan sa pagdala sa Centcom sulod sa siyam ka bulan ug 20 ka adlaw.

Ang nihulip kaniya mao si Major General Armando Cunanan gikan sa Eastern Mindanao nga nagbase sa Davao ug gisaksihan sa Chief of Staff sa AFP nga si Gen. Alexander Yano.

Matud pa ni Inserto nga nilampos siya sa iyang target sa pagpuhag sa walo ka guerilla fronts sa mga rebeldeng New Peoples Army (NPA) sa Central Visayas labi na sa Negros Oriental.

Gawas pa niini ubos sa iyang termino naka-sakmit sila’g 29 ka mga high powered firearms; 83 ka mga low powered firearms ug lakip na ang pagtahan sa ubang mga lider sa NPA.

Samtang gibutyag niini nga siya maoy labing unang commander sa Centcom nga nakalibot sa halos tanang military detachments nga nakapataas usab sa moral sa ilang mga sakop. – BANAT NEWS