15-anyos nga miyembro sa Akrho 'tipi

Cebu - Minor de edad nga sakop sa Alpha Kappa Rho nakit-an nalang nga wala nay kinabuhi daplin sa dalan mga alas 9:00 sa buntag kagahapon sa barangay Frenza lungsod sa Balamban nga adunay samad pinusilan sa tuong bahin sa dughan.

Ang 15-anyos nagpuyo sa nahisgutang lugar gidudahang sakop sa Akrho gumikan usab sa dakong paso sa ilawom nga bahin sa walang pulso nga ‘ritual marks’ sa maong fraternity.

Si SPO2 Alvin Banate sa Balamban Police Station nga gikahinabi sa Banat News nagkanayon nga dunay disco sa nahisgutang lugar ug uwahing nakit-ang buhi ang biktima uban sa usa ka babaye di layo sa ilang balay ug nakugang nalang sila nga pagkabuntag patay na kini.

Gitutukan ang anggulo sa panagribal sa fraternity gumikan kay daghan nausab nga mga sakop sa Crips sa nahisgutang lugar ug posible usab nga panagribal sa babaye ang hinungdan nga kini gipusil.

Paghiling sa patay’ng lawas niini naabli na usab ang zipper sa iyang pantalon niini nga dayon sa pagkahubo, gipangita pa usab sa kapolisan ang babayeng giingong maoy kauban sa biktima nianang gabhiuna. - Guam Logroño (BANAT NEWS)