Cardinal Vidal 'miuli' aron mosaulog sa Pista Señor

Cebu - Bisan sa gihambin nga sakit ug sa pagka-admit niini sa Saint Luke Hospital didto sa Manila, mipauli gyud dinhi sa Sugbu si Arsobispo Ricardo Cardinal Vidal ug sama sa naandan, iyang giselebrar ang Misa Pontipiko alang sa kasaulogan sa kapistahan ni Sr. Santo Niño kagahapon.

Ang Arsobispo sa iyang homiliya nanghinaut nga sa pagsangpit sa tanan og Pit Senyor! ug sa sinserong pag-ampo ihalad kini alang kaniya.

“Hinaut unta, I hope that when you yell the Pit Senyor! loud and clear of sincere prayer kang Cardinal Vidal kini!,” matud sa Arsobispo sa Sugbo.

Ang Arsobispo kinsa magpanuigon na og 78-anyos   nagpasalamat sa tanan tungod sa mga pag-ampo ngadto kang Sto. Niño alang sa iyang panglawas. “My doctor said that 77 going 78, I am definitely aging ug busa thank you for your Pit Senyor!” matud sa Arsobispo.

Gibutyag ni Vidal nga sukad sa iyang pagka-Arsobispo sa Sugbu niadtong Agosto 24, 1982 buhing saksi siya sa lig-on nga pagtuo sa mga Sugboanon ngadto kang Sto. Niño.

“Latas sa katuigan inyong gimahal isip gasa sa Diyos ug inyong giampingan isip bililhong kabilin sa inyong katigulangan bisan taliwala sa mga pagsulay sa mga pwersa sa dautan nga naninguha gayud ug naningkamot sa pag-circularize, politicalize and commercialize sa inyong akto sa pagtuo ug sa inyong tulumanon sa rehiyon” year after year especially during the novena in fiesta for Santo Niño de Cebu, I thank God for your devotion that is always being sincere.”

Kagahapon nabantayan nga labing midaghan ang mga deboto ni Sr. Niño nga misimba kompara sa milabay’ng katuigan.

Ang mga misimba sa gipahigayong Mañanita Mass kinsa gilausog ni Monsignor Frederick Krekenbeick kagahapon sa alas 5 sa buntag ang wala na mogawas human sa maong misa ug mihuwat na kini sa Misa Pontipiko sa Arsobispo. – BANAT NEWS