Gun ban sa Sinulog '09

Cebu - Ipatuman sa kaposilan ang total gun sa tibuok dakbayan sa Sugbu karong Sabado ingon man   sa Domingo ning buwana atol sa Sinulog Grand Parade 2009.

Kini maoy gipahibalo ni Police Regional Office (PRO-7) chief Ronald Roderos atol sa gipahigayong Talakayan sa Isyung Police nga gipahigayon kagahapong adlawa diha sa Club Ultima ning dakbayan.

Matud pa ni Roderos nga si Philippine National Police (PNP) chief Dir. General Jesus Versoza ang mi-aprobar na sa maong gun ban human usab ang task force commander nga si Sr. Supt. Patrocinio Comendador misugyot niini sa PRO-7.

Sumala pa niini nga sa maong lakang, mas mapatunhay pa unya ang pagbantay sa kapolisan sa dakbayan sa Sugbu sa pagmentinar atol   sa maong dakong kalihukan ug malikay   sa pilegro ang publiko.

Giklaro niini nga tanang mga polis nga naka-uniporme sa adlaw’ng Sabado ingon man Domingo nga naka-duty mao lay tugotan nga makadala og service firearms apan kadtong mga police nga off-duty nga masakpang magdala sa ilang armas ilang dakpon ug ipa-suspenso.

Gipasabot niini nga ang exempted lang sa kamanduan ni Versoza kadto lang mga polis nga wala maka-uniporme nga kabahin sa intelligence detail hinungdan nga kadtong mga polis nga wala sa duty nga madakpan ila gayud nga dalhon sa presinto sa kapolisan, lakip na kadtong mga pribadong tawo nga adunay permit to carry.

Atol unya sa Sabado sa hapon, Enero 17 ang tibuok PRO-7 ipa-ubos sa full alert status sa ingon maseguro gyud ang ka-intact sa kapulisan sa ilang pag-secure sa seguridad dinhi sa rehiyon dili lang sa Sugbu. Mga 8 mil ka ground controller ipakatap sa Sinulog. - BANAT NEWS