Tawong patay milutaw sa dagat

CEBU - Napalgan ang patay’ng lawas sa usa ka stay-in nga construction worker sa Virlo Construction Compound nga naglutaw sa dagat diha sa Pilipog Cordova niadtong miaging adlaw alas   4:45 sa buntag.

Ang biktima nailhan nga si Cyril Absin, 53, lumad nga taga Maranding Lala, Lanao del Norte.

Sumala sa imbestigasyon ang biktima natulog sulod sa bunkhouse nga nahimutang daplin sa dagat.

Matud pa sa iyang kaubang trabahante ug mismo ang iyang igsuon nga ang biktima mipahuway sa maong bunkhouse ug natulog kini didto. Gituohang aksidente kining natagak ug nalumos nga maoy hinungdan sa iyang kamatayon.

Ang kaparyentehan sa biktima mibalibad sa pagpa-awtopsiya sa maong lawas aron masayran unta kun unsa gayod ang hinungdan sa kamatayon. (Rica Calinawan) (BANAT NEWS)