CEBU - Usa ka vocalist sa usa ka lokal nga banda dinhi sa dakbayan sa Sugbu nasikop sa mga security guard sa pantalan mga alas 7 pasado kagahapon sa gabii diha sa Pier 4 tungod sa nakit-ang 38 ka mga linikit nga Marijuana diha sa iyang ulo.
Sa report sa Balitang Bisdak ang akusado giila nga si Armand Amoy, 24, nadakpan uban sa iyang mga kauban sa banda nga mosakay na unta sa barko paingon sa Butuan dihang gi-body search.
Usa ka gwardiya nga ginganlan og Esteban Pantaleon maoy nakakita sa maong mga Marijuana dihang nagduda kini sa gipugngang buhok nga sobra kaayo kabugdo.
“Pagtan-aw nako sa iyang buhok iya mang gipugngan nga baga kaayo gihikap nako sa akong kamot nigimaw man ang plastic,”sumala ni Pantaleon. (BANAT NEWS)