Babayeng pusher sikop

Cebu - Gipasanginlang notadong babayeng drug pusher nasikop sa kapolisan sa Lapulapu atol sa usa ka buybust operation sa Soong 1 sa barangay Mactan dakbayan sa Lapulapu sa milabay’ng hapon.

Ang nasikop mao si Eva Estrella, 40, residente sa maong dapit ug walay trabaho.

Matud pa ni Supt. Pedrillo Villamor Jr. ang deputy director for operation sa Lapulapu City Police Office kinsa maoy nangulo sa maong operasyon dugay na nilang gipanid-an ang suspek.

Ang operasyon gihimo sa milabay’ng hapon nga miresulta sa pagkasikop niini dihang mibaligya kini og druga sa police decoy sa kantidad nga P200.

Nakuha sa posesyon ni Estrella ang duha ka gagmay’ng pakete sa shabu ug lakip na ang buybust money uban sa duha ka mga cellular phone.

Kasong kalapasan sa Akta Republika 9165 ubos sa Art. II section 5 ug section 11 ang ipasaka batok kaniya ug walay piyansang gilatid alang sa temporaryo niining kagawasan. – BANAT NEWS