Cebu - Usa ka kawani sa Mactan Export Processing Zone (MEPZ) 1 sa dakbayan sa Lapulapu napalgang patay sa ilawon sa taytayan sa Mactan- Mandaue bridge habig sa Brgy. Pusok niadtong Sabado sa buntag. Ang biktima mao si Ranil Quinde Alicanay, 35, nga taga Sitio Ibabao, Barangay Pusok, dakbayan sa Lapulapu kinsa usa ka empleyado sa HYUNTAI Phils. Inc. diha sa MEPZ 1.
Ang kapolisan may katahap nga naligo ang biktima sa ilawom sa tulay unya naligas kini sa gilatayang bato unya malagmit nalamba kini ug nabunal ang ulo sa bato nga maoy hinungdan sa hinanali niining kamatayon.
Si SPO3 Rex Ybañez sa Lapulapu City Police Station mibutyag sa Banat News nga gisuta pa nila kun wala bay foul play ang maong hitabo. – BANAT NEWS