Anti-crime Volunteer nakapusil

CEBU - Nakapusil ang usa ka sakop sa anti crime volunteer og usa ka tawo samtang nag-responde kini og alarma didto sa sementeryo sa Sitio Mohon barangay Sambag siyudad sa Bogo niadtong Huwebessa alas 5:30 sa buntag.

Ang nakapusil mao si Richard Tudtud, 27, minyo nga taga barangay Banban, Bogo City, sakop sa City of Bogo Anti-Crime Task Force (CBACTF), samtang ang biktima mao si Jemarlo Mahinay, 19, ulitawo, ug silingan ra sa suspek.

Si SPO4 Emmanuel Masong, imbistigador sa Bogo City Police Station mibutyag sa Banat News ngaang biktima unang gi-alarma sa mga sakop sa CBACTF didto sa merkado publiko sa Poblacion human kini magdala dala og hait nga hinagiban.

Apan mipauli dayon kini sa ilang lugar hinungdan nga gisundan sa mga sakop sa CBACTF ug dihang na-abtan nila kini sa maong lugar, giingong misukol kini ug namato kanila .

Usa sa mga sakop sa CBACTF nga si Charyl Menor, 29, maoy nasabak sa bato.

Unya mibunot pa og kutsilyo ang biktima ug gipanggukod ang mga sakop sa CBACTF apandihang ang suspek na maoy gi-atubang, milanit ang nahaunasa iyang armas ug mipasalba.

Matud ni SPO4 Masong,tungod kay wala mopatuo ang biktima ug padayon gyungmidasmag sa suspek , walay nahimo ang naulahi gawas sa pagpanalipod sa iyang kaugalingon pinaagi sa pagpusil sa biktima kansang bala didto motaroy sa ubos nga bahin sa ilok niini.

Gihatod dayon ngadto sa Verallo Memorial Hospital sa siyudad sa Bogo ang biktima aron malibre.

Samtang ang suspek boluntaryo usab dayung mitahan sa iyang kaugalingon sa kapolisan ug nagtingkagol karon sa prisohan. – BANAT NEWS