Wa manira gikawatan

CEBU – Gumikan sa kapakyas sa pagpanira , nakasulod ang usa ka kawatan sa usa ka balay ug gihakot ang nagkadaiyang mga butang sulod niini didto sa dalan J. Tabura, Barangay Pardo ning dakbayan niadtong miaging gabii.

Si Cipriano Tabura, 78, nga maoy biktima nagtibi nga misumbong sa kapolisan nga nadala ang iyang mga butang sa wala hiilhing kawatan kay nakalimot siya pagpanira una matulog.

Ang nasakiyo sa kawatan mao ang iyang LCD with T.V., Sony Cassette, Wristwatch, Nike Shoes nga ang tanan mikabat og P90 mil. 

Ang kapolisan sa Pardo Police Station nagkanayon nga mao nay pago sa mga tagbalay nga magdanghag ug dili manirado sa ilang balay panahon sa kagabhion. – BANAT NEWS