Mary Ann Giabswelto sa korte

CEBU - Giabsuwelto si assistant city prosecutor Mary Ann Castro sa duha kakasong malicious mischief ug usa ka kasong grave slander by deeds nga gisang-at sa managsuong Jake ug Nanac Yu.

Si MTCC branch 8 Judge Edgemelo Rosales mipakawalay sala ni Castro sa iyang mga kaso human mipirma og affidavit of desistance ang managsuong Yu kinsa mipadayag nga dili na sila interesadong mopadayon sa kaso batok kangCastro.

Gawas sa tulo ka kaso sa sala ni Judge Rosales, sila si Jake ug Nanac Yu misibog usab sa ilang disbarment complaint batok gihapon ni Castro nga kasamtangan nga pending karon didto sa Commission on Bar Discipline sa Integrated Bar of the Philippines (IBP) Manila.

Gisibog usab sa duha ka Yu ang ilang lima ka kaso nga gisang-at usab niini ngadto sa Visayas Ombudsman gumikan gihapon kay wala na silay interes pa sa kaso.

Samtang gi-withdraw usab ni Castro ang mga kaso nga gisang-at usab batok sa managsuong Yu.

Nasayran nga nagkinihaaysi Castro ug mga Yu tungod sa lalis sa pagparking sa kotse ni Castro nga nakababag sa agian sa balay sa managsuong Yu niadtong nakalabay nga mga tuig.

Malipayon nga saulogon ni Castro ang Pasko karon tungod kay matud pa niini nga bugtong nagpabiling kasong pending mao na lamang ang atua sa Sandiganbayan nga mao ang kasong kalapasan sa Code of Ethical Standard tungod sa giingong pagdawat og suborno gikan ni Atty. Gines Abellana,ang abogado sa gidudahang drug pusher nga mao ang managsuong Jimenez kinsa naabsuwelto usab sa maong kaso.

Malaumon hinuon si Castro ngamakalingkawas usab siya sa maong kaso tungod kay niadtong miaging semana si Executive Judge Fortunato de Gracia mitestigos pabor ngadto kaniya.

Gipanghimakak nang daan ni Castro nga walay “monetary consideration” ang kalit nga pagsibog sa managsuong Yu ug miingon nga ang bugtong rason mao langang espiritu sa Pasko.

Subay niini, si Castro mitumbok nga hayag na ang iyang appointment unya nga mahimong judge lakip na ang iyang bag-ong hangyo niadtong miagang semana ngadto sa Judicial andBar Council ngaisaka ang iyang aplikasyon sa pagka judge gikan sa MTCC ngadto na sa RTC. – BANAT NEWS