5 ka minor nanulis taxi driver

CEBU - Lima ka mga sakop sa Bloods Gang nga pulosminor de edad nadakpan sa mga barangay tanod sa hot pursuit operation human ilang gitulis ang usa ka taxi driver kagahapon sa kaadlawon diha sa Villa Leyson Subdivision, Bacayan ning dakbayan.

Si PO3 Faustino Somblingo sa Talamban Police Station nga gikahinabi sa Banat News mitug-an nga ang maong mga dinakpan nagpangidaron pa kini og 12, 13, 15, 16 ug 17 anyos pulos residente sa nahisgutang lugar, samtang ang ilang gitulis mao si Rafael Cabaluna, 33, barangay Tisa, drayber sa Soft Ride Taxi nga nagtangag sa plakang GXG-222.

Si PO3 Somblingo nagkanayon nga ang drayber nga si Cabaluna nakuhaan og P2,100 nga kinitaan ingon man cellpone human ang 16 anyos nga tulisan maoy mition sa mahait nga hinagiban diha sa iyang liog ug mideklararnga tulis, “Ayaw na lang og lihok Noy, hold-up ni, ambi imong pitaka ug cellphone,”si PO3 Somblingo misubli sa gisulti sa 16-anyos.

Matud pa niini nga ang draybersa taxi nga si Cabaluna nagkanayon nga ang lima ka mga minor de edad gikatahong misakay kaniya diha sa taytayan sa dalan Escario ug magpahatod sa Villa Leyson Subdivision.

Apan sa dihang naabot sa maong lugar kalit lang siyang gitionan sa liog sa 16 anyos nga diha sa front seat nga mideklarar og tulis ug gikuha ang iyang kuwarta ug cellphone dayon nanganaog.

Daling nangayo og panabang sa mga kaubanang taxi driver ug mga barangay tanod ug gipangita ang mga tulisan ug nadakpan didto na sa ilang tagsa-tagsa ka panimalay ug gidala sa Talamban police station.

Nasuta sa imbestigasyon nga mga sakop gyud sa Bloods Gang ang mga minor de edad nga gikan mitambong og birthday party sa ilang kauban diha sa Escario.

Hinuon, ang upat ka mga minor de edadgi-release sa kapolisan ug ipaubos sa “diversion program” human usab masuta nga matud pa wala kini moapil sa pagpanulis.

Gikataho nga ang upat ka mga minor de edad nga diha sa luyo nga lingkoranan sa taxi nasuta sa imbestigasyon sa kapolisan wala gyud moapil sa pagpanulis, ug matud pa nasurpresa na lang sila sa dihang ang ilang kaubang 16 anyos mideklarar og tulis.

Gani atol sa pagpamauli sa mga minor de edad mosakay unta sila og PUJ apan ang 16 anyos nga suspetsado kinsa mao ray gipasakaan og kaso kagahapon gikatahong namugos nga mosakay sila og taxi kay siya ray mobayad apan nanulis naman hinuon. – BANAT NEWS