CEBU - Patay na nga napalgan ang usa ka 65-anyos nga lalaki kinsa giingong mitubag sa sugo sa lawas diha sa kasagingan niadtong Biyernes sa buntag sa kaadlawon sa sitio Kawayanan, barangay Lagtang dakbayan sa Talisay.
Ang nahisgutang lalaki ang giila sa mga polis nga si Elizar Barliso, ulitawo ug residente sa nahisgutang lugar kinsa napalgan sa usa sa mga residente sa lugar ang mitawag ngadto sa kapolisan ug mitaho sa maong insidente.
Base sa imbestigasyon ni PO2 Lino Diez sa homicide section nga si Barliso ang misuot ngadto sa kasagingan aron motubag sa sugo sa lawas.
Apan napalgan na lang kini ni Pablo Chavez taga sitio Cadikay sa maong barangay diha sa maong lugar nga wala na maglihok.
Base sa taho nga si Barliso aduna kini sakit nga gihambin ug kusog usab kining moinom og ilimnong makahubog ug gituohan nga giatake kini sa kasingkasing. – BANAT NEWS