Gipasakaan na og kasong robbery kagahapong adlawa ang tulo ka mga tulisan nga kauban sa pito ka mga tulisan nga mitulis sa Golden Treasures Best of Jewelry niadtong Martes sa hapon diha sa ikatulong andana sa Mango Square Mall dalan General Maxilombarangay Camputhaw ning dakbayan.
Kini human usab gipagawas kagahapong adlawa sa hepe sa kapolisan sa dakbayan sa Sugbu, Sr. Supt. Patrocinio Comendador ang hulagway sa tulo ka mga tulisan nga kabahin sa maong mga pagpanulis.
Ang mga suspetsado naglangkob nila ni Danny Masicampo, lumad nga taga Davao ug tua na magpuyo sa Ozamis City, Isidro Manlangit, Sr. taga Ozamis City ug Alicando Calongtaga Tudela, Mizamis sa Mindanao.
Sa ilang nakuhang impormasyon gikan sa mga saksi gikatahong si Masicampo maoy miunapagtion sa gidala niining .45 kalibre ngadto sa tangkugo sa security guard nga si Rudolf Ramos. Si Manlangit mao usay mihulga ingon man mition sa mga tawo didto sulod sa atbang nga kan-anan nga Granel Food Dining nga nagpakaaron-ingnong miinom og tubig, samtang si Calong maoy nagsilbing back-up nga nagdala’g armalite nga mition sa security guard nga miresponde nga didto sa luyo sa sakyanan sa get-away vehicle nga Nissan Sentra Sedan GEG-907.
Lakip sa ilang ipasaka ang upat ka kauban nga hangtod karon wala pa mailhi.
Si Comendador mibutyag sa mga tigbalita nga sa wala pa mahitabo ang pagpanulis niadtong Martes duna silay nadawat nga report nga niadtong miaging Huwebes dunay mga kadudahang mga tawo sa usa ka boarding house nga nahimutang diha sa may dalan Carlock.
Apan matud pa ni Comendador, human sa tulis niadtong Martes sa hapon ila gilayong gisuhid ang mga boarding house sa nahisgutang dapit apan gikatahong mi-check-out na niini nianang Martes sa buntag.