Mga bata di padaygonon

Higpit nga gidid-an sa kagamhanan sa dakbayan sa Mandaue ang kabataan gikan sa pagpanaygon sa kadalanan aron sa paglikay sa mga disgrasya sa sakyanan, sumala pa ni Maricel Uy sa social welfare office sa maong dakbayan.

Si Uy kinsa maoy natahasan sa pagbantay sa mga batang manaygon nagkanayon nga daghan na ang iyang nasakpan apan maayo kaayo mangatarungan.

Gumikan niini matag bata nga masikop dad-on ngadto sa buhatan sa social welfare unya ipatawag ang mga ginikanan ug mao nay pahimangnoan sa pagbantay sa ilang mga anak, matud pa ni Uy.