2 opisyal sa BOC Cebu milingkod

CEBU - Pormal nang milingkod ang duha ka mga dagkong opisyal sa Bureau of Customs (BOC) sa Port of Cebu nga mao sila si Deputy Collector for Operation Atty. Paul Alcazaren ug si Atty. Giselo Galido kinsa mao karon ang hepe sa Legal Division.

 Gihulipan ni Alcazaren si Atty. Julito Doria human kini ibalik ngadto sa iyang kanhing puwesto sa Legal Division sa BOC Manila.

 Samtang si Galido mao usab ang mihulip kang Atty. James Dybuco kinsa gibalik sa mao gihapong puwesto sa Legal Division sa BOC-Manila.

Ang pagbutang sa duha ka banggiitang abogado sa mga sensitibong posisyon gitumong aron mapitol ang mga smuggler dinhi sa Sugbo, matud pa ni BOC Commissioner Napoleon Boy Morales.

 Hinuon si Alcazaren ug Galido misaad isip nagtamod sa gipiyal kanilang tahas,nga himoon nila ang tanan nilang mahimo sa pagtuman sa responsibilidad nga gisangon kanila. – BANAT NEWS