Bar gironda kay dancer naghubo

CEBU - Dul-an sa 30 ka mga dancers sa club ang gipangdakop sa mga elemento sa Criminal Investigation Detection Group-7 atol sa ronda sa miaging gabii sa Egypt International Bar Complex nga nahimutang sa Ouano Avenue sa barangay Mantayong dakbayan sa Mandaue.

Ang Criminal Investigation and Detection Team (CIDT) pinangulohan ni Chief Insp. Rogarth Campo miingon nga naaktuhan gyud nila ang usa ka babayeng dancer nga nagsayaw sa stage nga ang pribadong parte lang sa lawas maoy gitabonan atubangan sa mga kustomer nga naila sa pangan nga Jenny (tinuod nga pangan gipugngan sa Banat News).

Samtang laing 26 ka mga kaubanang dancers ni Jenny ug ang operation manager nga si Annabel Bacus gisikop samtang ang giingong tag-iya niini wala maapil tungod kay naatol nga wala diha.

Kasong kalapasan sa Akta Republika 201 ug 202 sa Revised Penal Code nga mas nailang indecent shows ug vagrancy ang giandam batok kanila.

Kini maoy ikaduhang higayon sulod ning semanaha nga ningronda ang mga sakop sa CIDG-7 sa mga malaw-ay nga talan-awon ning bulana diha sa dakbayan sa Lapulapu. – BANAT NEWS