CEBU - Gitulis sa duha ka wala hiilhing mga lalaking nagsakay og motorsiklo ang usa ka kolektor sa usa ka buhatan sa barangay Guizo, dakbayan sa Mandaue sa miaging gabii.
Ang biktima mao si Junrey Perales, 27, nagpuyo sa barangay Centro sa maong dakbayan kinsa nakuhaan sa iyang salapi nga mokabat sa P1,994, cellphone ug uban pa.
Si SPO1 Lino Baylosis nga nahinabi sa Banat News miingon nga naglakaw lang ang biktima sa barangay Guizo paingon sa ilang buhatan nga nahimutang sa maong lugar dihang gihunungan sa mga tulisan.
Gikatahong pulos armado og kutsilyo ang duha ug mition kaniya dayong deklarar og tulis, usa ang nanaug ug mikuha sa iyang kwarta ug cellphone.
Human niini daling misakay og balik ang usa ug mipasutoy padagan sa motor palayo sa lugar. – BANAT NEWS