10 anyos hapit malugos ex-convict

CEBU - Usa ka 10 anyos nga babaye kinsa nahinanok sa pagkatulog gisulayan og lugos sa usa ka ex-convict didto sa sitio Tribunal, barangay Centro, Mandaue City niadtong miaging kaadlawon.

Ang suspetsado giila nga si Oliver Lumapas, hingkod ug bag-o pang nakagawas gikan sa prisohan sa Muntinlupa.

Si SPO1 Lino Baylosis sa Presinto 1, sa Centro Police Station nga nahinabi sa Banat News miingon nga nag-inusara nga natulog ang biktima sa sulod sa lawak sa ilang panimalay dihang gisaka kini sa suspetsado.

Matud pa ni Baylosis nga gigakos ug giligid og hawok sa suspetsado ang biktima nga maayong pagkahinanok sa pagkatulog ug dayon naghubo na kini sa iyang sapot dayong patong ibabaw sa lawas sa biktima.

Ang biktima nga nabug-atan, nahigmata ug gumikan sa hilabihang kalisang misinggit kini ug nangayo og panabang nga maoy nakapahigmata sa iyang apohang babaye.

Ang suspetsado kinsa gibati og kakuyaw mikaratil og dagan nga walay purol apan walay mga silingan nga nakamatikod kay alas 2:00 pa man sa kaadlawon.

Apan bisan pa og nakasibat, ang maong suspetsado nailhan gihapon sa biktima .

Sa pagkakaron gipangita na kini sa kapolisan aron   paatubangon sa kaso nga gisang-at sa biktima batok kaniya. – BANAT NEWS