Mag-uyab gipa-sex sa suspek; babaye gilugos pa gyud

CEBU - Duha ka mga batan-ong manag-uyab nga gikan mitambong og halloween disco niadtong Domingo sa kaadlawon giatngan sa nagbinugtong nga lalaking armado og mahait nga hinagiban ug gimanduan nga mag-sex sa iyang atubangan.

Nahitabo kini sa usa sa mga barangay sa lungsod sa Liloan pasado alas 3 sa kaadlawon sa sitio Dapdap, barangay Catarman. Ang manag-uyab   nga si Inday (tinuod nga ngalan gipugngan) 19 anyos, samtang ang hinigugma niini giila usab nga si Cris (tinuod nga ngalan gipugngan) molupyo sa usa sa mga barangay sa lungsod sa Consolacion.

Segun sa report nga naabot sa Operation Branch sa Cebu Provincial Police Office (CPPO) ang suspek kinsa nasikop sa hot pursuit operation ni PO3 Ricardo Enriquez ug mga kauban nailhan nga si Friddie Sanchez,   ug unang nailhan sa angga nga Potpot nga taga sitio Capas sa barangay Catarman, Liloan.

Matud pa sa taho nga gikan sa disko sa kanait nga barangay ang mga biktima ug sa ilang pagpamauli alas 3 sa kaadlawon giingong ang suspek nagbinugtong niadtong higayona nagdala og mahait nga hinagiban ug gitionon ang mga biktima dayong mando nga maghubo sa ilang sapot.

Tuod man gikatahong nag-sex sa atubangan sa suspek ang manag-uyab apan tungod sa kahadlok sa lalaki giingong wala makatarong.

Dugang sa taho sa Liloan Police Station ang suspek giingong mipapahawa sa lalaki ug maoy mipuli ug maoy mipahimulos sa higayon.

Human makapahimulos ang suspek ang mga sapot sa manag-uyab gidala sa iyang pagsibat ug gibiyaan nga pulos na walay mga sapot.

Sa dihang nadawat ang alarma sa kapolisan si PO3 Enriquez ug mga kauban mitubag sa alarma nga miresulta sa pagkasikop sa suspek.

Si Sr. Insp. Ramon Ortiz, hepe sa Liloan Police Station, mitug-an sa mga tigbalita kagahapon nga ila nang gidala ug gipasakaan og kasong pagpanglugos ang suspek diha sa Provincial Prosecutors Office. (BANAT NEWS)