CEBU - Mitunol si Presidente Gloria Macapagal-Arroyo og P10 million ngadto sa national federation sa Sangguniang Kabataan isip equity fund sa iyang programang Green Philippines campaign.
Sa pamahayag sa pangulo kagahapon nga gitambungan sa kapin 2,000 ka mga kabataan atol sa tulo ka adlaw'ng National Congress sa Waterfront Hotel sa Lahug kagahapon kini nanawagan pagpatuman sa mga bag-ong pamaagi sa pagdumala sa kayutaan, kinaiyahan ug pagpangita og paagi aron makahimo og dugang trabaho isip kabahin sa polisiya sa social responsibility.
Mipasabot ang pangulo nga ang iyang administrasyon mihimo sa tanang pamaagi ug lakang aron di bug-at ang pag’-igo sa krisis sa kalibutan nga nasinati karon apil na ang padayong pagsaka sa presyo sa petrolyo, pagkaon ug uban pa ug siya miangkong ang tanang iyang nabuhat kuwang pa gihapon nga matagamtaman sa tanan subay sa iyang Philippine Reform Agenda.
“ The SK is important to our agenda because we are in fact a young nation. Our people are young. We are a young nation. Our democracy is just 60 years old. The growing pains are still with us,” sumala pa sa pangulo.
Giawhag hinuon ni Arroyo ang kabataan isip maoy bag-ong sulbong nga may panglantaw sa kaugmaon sa pagkab-ot sa ilang mga pangandoy ug maninguha nga makasalmot sa mga kalihukan sa katilingban ug sa sistema karon.
Giawhag usab niya ang kabataan sa pagsalmot sa Green Philippines campaign diin ang program motutok sa pagpananom og bag-ong mga kahoy sa mga naparot nang kabukiran, pagprotiher sa kalasangan aron maprotihian ang katawhan.
Apil sa programa mao ang pagbuhat og dugang mga parke, pagpanindot sa kabarangayan, playground sa mga bata ug pagpahigayon og mga cleanup drives sa palibot.
“We need the will of the people to encourage the political leaders to embrace this new, Green Philippines. The Philippines can become a model of environmental stewardship within ten years. I have strong faith in our youth and today’s young leaders. I know you will not shirk from these challenges,” sumala pa niini.
Ang SK sa ilang bahin mipadangat sa ilang suporta sa pangulo pinaagi sa ilang manifesto nga gitunol kagahapon, usa na niini ang pagsupak nila sa planong impeachment trial.
“We are rejecting the new impeachment complaint filed against President for being destructive and divisive in nature and we see no redemptive value in such a senseless, out-of-step political action that can only exacerbate the nation’s economic problems, weaken and disable the national leadership in coping with an impending national financial and economic crisis,” sumala pa sa manifesto. – BANAT NEWS