Pro-life wa matarog sa SWS survey

CEBU - Gipakamenus lang ug wala matandog ang Simbahang Katoliko dinhi sa Sugbu sa migawas nga survey sa SWS sa nakontrobersyal nga Reproductive Health (RH) Bill nga nakakuha’g dakong suporta sa publiko lukop nasud.

Si Msgr. Achilles Dakay sa Archdiocese sa Sugbu nagkanayon kinahanglan ila pang hingusgan ang ilang kampanya sa hugot nga pagsupak sa Reproductive Health Bill nga kasamtangan karun anaa na sa Kongreso.

Matud ni Dakay dili na maoy isyu nga daghan o gamay ang nisuporta sa maong balaudnon kung tinuod man o dili ang resulta sa survey sa SWS.

Base sa nigawas kagahapong adlawa ang survey sa SWS kabahin sa RH nakadawat kini suporta sa kinabag-ang katawhan.

Ang RH bill nga giduso sa duha ka mga kongresista, usa ka proposed bill sa ubos bay balaoranan nag-promote sa Family Planning, kadalagahan ug minyo aron maminus-minosan ang populasyon dinhi sa nasud.

Matud ni Dakay nga bisan og gamay ra ang naminaw nila sa ilang kampanya ila gihapong ipadayon ang pagsangyaw aron makakuha og dugang dumadapig.

Gani miingon ang monsignor, ang Simbahan Katoliko hugtanon man nangusog sa kampanya batok sa kurapsyon sa gobiyerno.

Duha na ka semana kapin ang nakalabay nilusad og signature campaign ang Simbahang Katoliko.

Gani si Rene Joseph Bullecer, Chairman sa City Anti Indecency Board (CAIB) ug usab presidente sa Aids Free Philippines nangangkon og kadaugan batok sa maong bill tungod sa dul-an 10 mil na ka pirma nga misupak sa maong bill.

Gipasigarbo ni Bullecer nga 108 na ka kongresista ang mipasalig sa pagsupak sa Reproductive Health Bill, samtang 60 lang ang pabor niini, ug 22 ka kongresista ang gikatahong undecided.

Kini giingong base usab sa report sa mga obispo gikan sa nagkadaiyang distrito lukop nasud ug sa usa ka survey nga gipahigayon didto sa kaulohan.

“Kung mahitabo ang botasyon anytime soon, makaingon ko nga smooth sailing na ang kampanya sa mga pro-life group,” sumala ni Bullecer.

Apan taliwa niini wala gihapon mawagtang ang mga kabalaka ni Bullecer ug kaubanan tungod kay recess ug walay sesyon karon ang kongreso ug diha gikabalak-ang molihok ang “lobby money” alang sa pagkumbinsir sa mga kongresista.

Si Dakay nagkanayon nga dili sayon ang pagpapirma sa mga tawo sa RH bill kinahanglan pa nilang pasabton ang tawo kalabot sa lintunganay sa maong bill.

Sa iyang bahin si Kongresista Niressa Ruiz sa ikaunom nga distrito sa lalawigan sa Sugbu kinsa usa sa pabor sa maong bill dihang nahinabi sa mga tigbalita kagahapon diha sa TESDA nalipay sa nigawas nga resulta sa SWS survey.

 “Ang nakanindot niini maayo untag dili malangay ang hearing aron matubag ang mga pagduda ug pangutana naklaro na gyud kabahin niining maong bill, gani nalipay kaayo ko sa resulta sa SWS nga dunay single ug couple ang nisuporta nga ipapasar ang maong bill alang sa responsible parenthood,” dugang padayag ni Ruiz kinsa mipasabot nga silang pabor niini di mga “anti-life.” - Uban ni Elly Bolonos (BANAT NEWS)