Wanted nga Akrho man sikop

CEBU - Giilang most wanted   nga sakop sa Alpha Kappa Rho (Akrho) sa dakbayan sa Mandaue nga may patong nga P100,000 nga ganti ang ulo nadakpan sa kapolisan sa Barangay Matugnao lungsod sa President Carlos P. Garcia Bohol human sa tulo ka tuig nga pagtagotago.

Ang nadakpan mao si Jodan Bellocello, 25, ulitawo nga taga dalan Plaridel, Barangay Looc, Dakbayan sa Mandaue ug gilambigit sa mga kasong pagpamatay ug pagpangawat.

Si Bellocello maoy suspetsado sa pagpusil patay sa usa ka Herlo Enad Flores nga sakop usab sa ”Betans” fraternity, 23, ulitawo nga taga Baybayon, Barangay Looc sa maong dakbayan.

Kini usab ang nakaingon sa pagkaangol sa usa ka Aljandro Ando Pepito, 48, minyo nga taga Barangay Tayud, lungsod sa Liloan kinsa naigo sa iyang tiil ug walang bukton human maigo sa saag nga bala human sa pagpamusil   nga naglambigit sa panagribal nga fraternity.

Ang pagdakop kang Bellocello   natigayon human nila madawat sa Mandaue City Police Office (MCPO) ang intelligence report labot sa dapit nga gitagoan niini. Ang officer-in-charge nga si Supt. Vicente Mersan Premne dali nga nakaluwat og kamandoan sa hepe sa CIB nga si Inspector Alfredo Ortiz Jr., alang sa pag-umol og team nga modakop kang Bellocello didto sa Bohol. – BANAT NEWS