Ruiz gipasalamatan

CEBU – Gikalipay sa mga molupyo sa San Jose Village sa Brgy. Omapad, dakbayan sa Mandaue human itugyan kanila ang bag-ong gikanalan ug gisemento nga karsada sa ilang lugar niadtong Domingo.

Si Kongresista Nerissa Soon Ruiz maoy nangunay sa pagtugyan ngadto sa mga opisyal sa Omapad kauban ni kapitan Zaldy Lumapas ug ni Ben Gahe, ang presidente sa San Jose Village Homeowners Association sa maong barangay.

Ang maong proyekto gisugdan sa pagtrabaho niadtong Pebrero ning tuiga nga gigastohan og P7 milyones ang tanan, sumala pa ni Marlon Elosorio ang project incharge sa District Office ni Rep. Ruiz.

Kining maong proyekto maoy tubag sa 20 anyos na nga reklamo sa mga molupyo sa maong dapit bahin sa baha nga mosanap sa ilang lugar matag panahon nga mobundak ang uwan

Maoy hinungdan nga mapasalamaton kaayo silang tanan kang Rep. Ruiz nga maoy mitubag sa ilang mga pangandoy. – Bong Soriano (BANAT NEWS)