Patay naglutaw
CEBU - Nailhan na ang usa ka lalake nga napalgang patay nga naglutawlutaw sa kadagatan sa Naval Forces Central kon NAVFORCEN sa milabay'ng adlaw. Ang biktima positibong giila sa iyang inahan nga si Renato Gabucan Tanoco, 25, ulitawo nga taga V-Rama Ave., Brgy. Guadalupe dakbayan sa Sugbu, usa ka trabahante sa peryahan.
Matud pa ni Lilian Tanoco, inahan sa namatay nga sa milabay'ng Sept. 22 sa udto, hubog nga naligo si Renato sa Pasil Fish Port ug kalit kini nga nawagtang gumikan sa kakusog sa balod.
Sa milabay'ng buntag usa ka mananagat ang nakakita sa patay'ng lawas ni Tanoco nga naglutawlutaw sa kadagatan sa Brgy. Looc, dakbayan sa Lapulapu ug gipahibalo nila kini sa mga sakop sa NAVFORCEN kinsa mao usab ang mitaho ngadto sa kapolisan.
Si PO3 Elmer Canillo sa Homicide Section sa Lapulapu City Police Office nagkanayon nga atol sa ilang paghiling sa patay'ng lawas ni Tanoco wala silay nakitang foul play sa kamatayon niiini apan ila gihapon kining ipa-autopsy aron masuta ang hinungdan sa kamatayon niini. (BANAT)
- Latest
- Trending
