Pagbaligya sa share sa Aboitiz di makaapekto ekonomiya sa Cebu

CEBU - Gihulagway ni Mayor Tomas Osmeña nga makaayo sa Sugbu ang lakang sa Aboitiz Equity Ventures (AEV) pagbaligya sa ilang ship business og P5 bilyones.

Ang KGLI-NM usa ka domestic company nga gipanag-iya sa Negros Holdings and Management Corporation (NHMC) ug KGL Investment BV (KGLIBV) nga naglambigit sa usa ka Kuwaiti company didto sa Middle East.

Ibaligya sa Aboitiz nga orihinal nga nagnegosyo sa shipping ang sa ilang share sa Aboitiz Transport System (ATS) nga naglakip sa pipila ka de pasaheroang barko nga Superferry ug Supercat tungod usab sa giingong nagkataas na nga fuel ug operational cost.

Apan matod sa mayor dili kabalak-an ang maong kalamboan tungod kay magpabilin gihapong maglawig ang nahisgutang mga sakyanan sa kadagatan.

Nakasiguro ang mayor nga walay kausaban sa biyahe sa maong mga barko tungod kay ang kompanya mismo maoy ibaligya.

“They’re selling (AEV) the whole business and not only the ship, so, if you buy the business then you will continue to operate here,” sumala ni Osmeña.

“When you buy the company, you buy their offices also and you take over all the personnel, so if their intention is to get the ship out, why do they buy the business, you can buy the ship without buying the business,” dugang pamahayag sa mayor.

Gani alang kang Osmeña nga usa ka maayong paagi ang gihimo sa Aboitiz nga mailhan ang Sugbu ngadto sa ubang kanasuran sa Middle East. – BANAT NEWS