CEBU - Si Dangerous Drugs Board chairman Vicente Sotto III mipasalig nga iyang palambuon ang Cebu City Treatment and Rehabilitation Center (CCTRC) nga nahimutang sa barangay Apas ning dakbayan.
Matud pa niini nga usa sa tumong ug tuyo sa DDB mao nga ma- rehabilitate gyud kadtong mga drug dependents pinaagi usab sa pagbubo og pundo sa mga pasilidad niini.
Gipasalig niini nga samtang siya pa ang chairman sa DDB iyang paninguhaong makapagawas og pundo nga magpalambo sa mga rehabilitation centers lukop nasud, labi na dinhi sa Sugbu nga maoy pilot area sa ilang programa.
Samtang iyang giklaro nga makig-estorya usab siya kang Gobernador Gwendolyn Garcia labot na sa ilang tinguha sa pagpa-improve sa CCTRC building gumikan kay gipanag-iya sa kagamhanan sa lalawigan sa Sugbu ang luna nga gitarukan niini. (BANAT NEWS)